Fjórir stórir netþjónar munu sjá um þjónustu við Ísfélagið ásamt mjög öflugri diskastæðu sem geymt getur allt að 24TB (1TB=1TeraBæti=1000GB(GígaBæti).  Ljósleiðarasambandið milli Ísfélags og hýsingaraðstöðunnar gerir Tölvun kleift að veita þessa þjónustu á ofurhraða.

Stækkunarmöguleikar eru miklir með þessari lausn og verður því hægt að bæta við bæði reiknigetu og diskaplássi, eftir þörfum.

Þetta er enn ein rósin í hnappagat Tölvunar því að í fyrra samdi félagið við Vinnslustöðina á svipuðum nótum.

Einnig hýsir Tölvun bókhaldskerfi og gögn fyrir nokkur fyrirtæki hér í Eyjum og uppi á landi.  Nýja blaðmiðjan tekur allt að 16 netþjóna þannig að það er nóg pláss fyrir fleiri aðila að tengjast hýsingarþjónustunni sem er í niðurkældu rými með varaaflgjöfum.